Apple-ийн iPhone 17 цувралуудыг ирэх долоо хоногт буюу 9-р сарын 9-нд анхлан танилцуулахаар товложээ. Apple iPhone 17, iPhone 17 Air, iPhone 17 Pro, iPhone 17 Pro Max гэсэн дөрвөн загварыг танилцуулах бөгөөд хүмүүсийн хамгийн их сонирхож буй нь iPhone 17 Pro Max загвар юм. Учир нь уг загвар нь Apple-ийн хамгийн дэвшилтэт технологи, шинэчлэлтүүдийг багтаасан гэж компаниас мэдээлээд буй.
Pro Max нь 48 мегапикселийн телефото линз, 24 мегапикселийн илүү том тэгш өнцөгт камертай байх төлөвтэй байна. Мөн урд болон хойд камерыг ашиглан нэгэн зэрэг видео бичлэг хийх боломжтой ба 8К видеог дэмждэг байх ажээ. Хар, цагаан, ган саарал, ногоон, нил ягаан, цайвар цэнхэр гэсэн зургаан өнгийн гар утсыг санал болгох юм байна.
iPhone 17 Pro Max нь АНУ-ын засгийн газраас тогтоосон тарифын улмаас Apple-ийн дотоод эд ангиудын үнэ нэмэгдсэнтэй холбоотойгоор өнгөрсөн жилийнхээс 50 доллараар үнэтэй буюу АНУ-д 1249 доллараас эхэлж зарагдана гэсэн тооцоо байна. Бусад загварууд 899 ам.доллар орчмын үнэтэй зарагдана гэсэн мэдээлэл байна.
