Афганистаны зүүн хэсэгт 6 баллын хүчтэй газар хөдлөлт болж 600 гаруй хүн амь үрэгдэж, 1500 хүн шархаджээ.
Орон нутгийн цагаар шөнө дундын өмнөхөн Афганистаны зүүн хэсэгт Пакистантай хил залгаа нутагт газар хөдлөлт болсон ба шавар, модоор хийсэн олон байшин нурсан байна.
Хөрш Пакистан болон Энэтхэг хүртэл газар хөдлөлтийн дараа чичиргээ мэдрэгдсэн гэх мэдээлэл байна
Афганистаны TOLOnews агентлаг газар хөдлөлтөд нэрвэгдсэн хүмүүсийн бичлэгийг хуваалцсан бөгөөд уг бичлэгт нэг хүн Кунар дахь Мазарын хөндийд газар дор олон зуун хүн нурангид дарагдсан гэв. Хүүхэд, эмэгтэйчүүд, өндөр настангууд нурангид дарагдсан тул яаралтай тусламж авахгүй бол тэднийг гаргахад хүндрэлтэй тухай хэвлэлүүд мэдээлж байна.
НҮБ-ын Афганистан дахь төлөөлөгчийн газар гамшигт нэрвэгдсэн ард иргэдэд яаралтай тусламж үзүүлж байна.
