Яг одоо "Болор цом-39" наадмын гурвын даваа үргэлжилж байна. Гурвын даваанд Д.Галсансүх, Л.Моломжамц, Тө.Бямбасүрэн, Б.Болорцэрэн, Н.Мөнхбаяр нарын таван найрагч үлдээд байна. Эдгээр найрагчдын дундаас энэ жилийн "Болор цом"-ын эзэн тодорно. Монголын Зохиолчдын Эвлэлээс зохион байгуулдаг Эгшиглэнт эхийн хишигт найрагч тодруулах “Болор цом” яруу найргийн наадам 39 дэх удаагаа Улаанбаатар хотод болж байгаа юм. Сүүлийн жилүүдэд ихэвчлэн хөдөө орон нутагт, эсвэл аль нэг байгууллагын ивээл дор зохиогдох болсон "Болор цом" наадам ийнхүү Соёлын төв өргөөнд өнөөдөр болж байна.
Наадмын эхний даваанд хот, хөдөөгөөс 144 шүлэг ирсэн бөгөөд тэндээс шалгарсан 25 яруу найрагч “Болор цом”-ын төлөө тайзнаа шүлгээ уншин өрсөлдсөн юм. Энэ жилийн яруу найргийн наадмыг уламжлал ёсоор МҮОНРТ хамтран зохион байгуулж байна. МҮОНРТ нь 1983 оноос хойш жил жилийн “Болор цом” наадмыг үзэгч түмэндээ хүргэж, түрүүлсэн найрагчийг Эгшиглэнт эхийн хөргөөр байлдаг юм.
