“Хангарьд” хөлбөмбөгийн баг Монгол эх орныхоо нэрийн өмнөөс Тайвань улсын Тайпэй хотын “Taipei Municipal Stadium”-д өчигдөр (2025.08.13) 19.30 цагт Тайванийн “Tainan City FC” багтай хурд хүч, авхаалж самбаагаа сорин өрсөлдлөө.
Тоглолт 4:1-ийн харьцаатайгаар “Tainan City FC” багийн ялалтаар өндөрлөсөн ч энэ өдөр Монголын хөлбөмбөгийн түүхэнд шинэ хуудас нээсэн бахархалт мөч болон үлдлээ гэж Монголын Хөлбөмбөгийн холбоо дүгнэж байна.
Олон улсын тавцанд анх удаа гарч, “AFC Challenge League”-ийн урьдчилсан шатанд ийнхүү хүч үзэж, түүх бүтээсэн “Хангарьд” багийн дасгалжуулагчид, тамирчид, менежер болон арын албаныханд амжилт хүсье. 
