Батлан хамгаалахын бодлогын томоохон зорилтуудын нэг болох Зэвсэгт хүчний барилгын цэргийн 110 дугаар ангийг Сэлэнгэ аймгийн Сант сумруу шилжүүлэн байрлуулах ажлын явцтай УИХ-ын гишүүн, Батлан хамгаалахын сайд Д.Батлут, ЗХЖШ-ын дарга хошууч генерал С.Ганбямба тэргүүтэй ажлын хэсэг танилцлаа.
Батлан хамгаалахын сайд Д.Батлут тус ангийг шилжүүлэн байрлуулах, барилга байгууламжтай танилцаж шаардлагатай бүхий л талын дэмжлэг туслалцааг үзүүлэн ажиллахаа илэрхийллээ.
Мөн 110 дугаар ангийн нийт бие бүрэлдэхүүн болон Сант сумын нутгийн ард иргэдтэй уулзалт зохион байгуулж, цаашид иргэн цэргийн харилцааг улам бэхжүүлж Сант сумын нутгийн иргэдийн газар тариалан эрхлэх нөр их ажилд нь тусалж, дэмжлэг үзүүлэн ажиллана гэдгээ мэдэгдлээ.
Тус ангийг Сэлэнгэ аймгийн Сант суманд нүүлгэн шилжүүлснээр алба хаагчдын нийгмийн асуудлыг цогцоор нь шийдэж, эрүүл агаарт ая тухтай алба хаах орчин нөхцөл бүрдэх юм.
Түүнчлэн Сант сумын эдийн засагт өндөр хувь нэмэр оруулах, шинээр ажлын байр бий болгох, хөдөө орон нутагт орчин үеийн шинэ техник технологи нэвтрүүлэх зэрэг олон талын ач холбогдолтой юм.
