Японы мэргэжлийн сүмогийн 69 дэх домогт их аварга Хакүхо М.Даваажаргал сүмогийн холбоог бүрмөсөн орхихоор болжээ. Тэрээр сүмогийн холбоонд өргөдлөө өгөөд байсан юм. Өдгөө 40 настай Хакүхо М.Даваажаргал буюу Миягино оякатагийн сүмогийн холбоог орхиж буй шалтгаан нь Хокүсэйхо А.Даваанинж билээ. Дэвжээнийхээ бөхчүүдийг дарамталж, дээрэлхдэг байсан нь олон удаагийн үйлдлээр нь илэрсэн учраас сүмогийн холбоо Миягино дэвжээг хааж, бөхчүүд, дасгалжуулагчдыг нь Исэгахама дэвжээ рүү шилжүүлсэн билээ.
