Засгийн газрын өнөөдрийн хуралдаанаар Эх орны маань нэр төр, сүр хүч, сүлд хийморийн илэрхийлэл болсон Зэвсэгт хүчин болон хил хамгаалах байгууллагын офицер, ахлагч, цэргийн гэрээт албан хаагчдын мэргэшлийн зэргийн нэмэгдлийг шинэчлэн тогтоолоо.
Ингэснээр цэргийн мэргэжлийн дээд удирдлагын байгууллагаас тогтоосон шалгуур үзүүлэлтийг хангасан алба хаагчид маань
Нэгдүгээр зэрэг 20 хувь,
Хоёрдугаар зэрэг 15 хувь,
Гуравдугаар зэрэг 10 хувь нэмэгдлийг авахаар болж байна. Цэргийн мэргэшлийн зэргийн нэмэгдлийг 26 жилийн дараа шинэчлэн тогтоож буй нь энэ бөгөөд энэхүү шийдвэр хэрэгжсэнээр “Мэргэжлийн цэрэгт суурилсан, чадварлаг Зэвсэгт хүчнийг бүрдүүлж, бэхжүүлэх” төрийн бодлогын хэрэгжилт хангагдана гэж үзэж байна Мөн Батлан хамгаалах, зэвсэгт хүчний болон хил хамгаалах байгууллагын офицер, ахлагч, цэргийн гэрээт алба хаагчдын маань албандаа хандах хандлага сайжирч, өөрийгөө хөгжүүлэх, мэдлэг боловсролоо дээшлүүлэх эрмэлзэл нэмэгдэх болно гэж Батлан хамгаалах яамнаас мэдээллээ.
