Доналд Трамд Украйны дайныг зогсоохын тулд Путинтэй уулзахаар төлөвлөж буйгаа мэдэгдлээ

АНУ-ын 47 дахь Ерөнхийлөгчийн тангарагаа өргөсөн Дональд Трамп ажлаа эхэлсний дараа ОХУ-ын Ерөнхийлөгч Владимир Путинтэй уулзахаар төлөвлөж байгаагаа мэдэгдлээ.

Тэрээр албан тушаалаа авснаас хойш 24 цагийн дотор Украины дайныг дуусгаж чадна гэж амалсан ба энэ үйл явц аль хэдийн эхэлсэн гэж мэдэгдэв. 

"Бид энэ ажлыг аль болох хурдан дуусгаж зорьсондоо хүрэхийг хичээх болно. Украин, Оросын дайн хэзээ ч эхлэх ёсгүй байсан гэдгийг та мэднэ” гэж Трамп сэтгүүлчдэд мэдээлэл хийх үеэрээ онцолсон байна.

Трампын Төрийн нарийн бичгийн даргаар сонгогдсон Марко Рубио даваа гарагт Орос, Украины хоорондох дайныг зогсоох хугацааг нарийн хэлж чадахгүй, гэхдээ хоёр тал зөвшилцөлд хүрэх байх гэж найдаж буйгаа сэтгүүлчдэд хэлсэн юм.