Сонгуулийн ерөнхий хороо УИХ-ын 2024 оны сонгуулийн саналын хуудасны загварыг баталжээ. Энэ талаар СЕХ-ноос мээдэл хүргэх үеэрээ танилцууллаа. Тамгын газрын дарга Д.Бат-Эрдэнийн хэлснээр СЕХ саналын хуудасны загварыг боловсруулахдаа сонгуульд оролцогч бүх талаас саналыг авчээ. Энэ жилийн сонгуулийн саналын хуудас хоёр хэсэгтэй. Хоёр тогтолцоогоор сонгуулиа явуулж 126 гишүүн сонгох онцлогтой сонгууль учраас нэг хэсэгт пропорциональ, нөгөө хэсэгт мажоритар буюу 78 гишүүнийг сонгох санал тэмдэглэх нь ээ. Саналын хуудас дээр намын нэр ямар дараалллаар бичигдэх, тухайн нэр дэвшигчийн овог хэрэхэн бичгдэх зэргийг бүгдийг хуулиар зохицуулсан байна. Саналын хуудас дээр намын жагсаалтыг бичихдээ тухайн намын даргын нэрийг, намын логог бичих зэрэг шаардлагыг нам эвслээс ирүүлсэн ч хүлээж аваагүй гэж СЕХ мэдээлллээ. Саналын хуудас дээр QR код буюу ил нууцлал байх бөгөөд аль аймгийн аль тойргийн аль хэсгийн хорооны саналын хуудас гэдэг нь харагдах юм байна. Мөн зөвхөн UV гэрлээр харагдах тусгай нууцлалтай байх ажээ. Саналын хуудаст Дээд шүүхэд бүртгүүлсэн дарааллын дагуу нам, эвслийн нэрийг бичнэ. Эвслийн хувьд хамгийн эхэнд Дээд шүүхэд бүртгүүлсэн намын дарааллыг харж, жагсаана" гэсэн юм.
Саналын хуудастай иргэийг танилцуулах үүднээс зургаадугаар сарын 25 хүртэл Номын баяр болоод Ялалтын талбайд СЕХ-ноос хүмүүс ажиллаж санал өгөх мэдээллийг иргэдэд нээлттэй өгөхөөр төлөвлөсөн байна.
СЕХ-ны нарийн бичгийн дарга Д.Даваа-Очирын хэлснээр "Урьдчилсан байдлаар саналын хуудасны загвар гарсан. Бид тестэлж үзсэн. 10 мандаттай тойрогт 250 нэр дэвшигч өрсөлдөж, 10-ыг нь сонгоход машины уншилт 27 секунд болж байна. 25 нам эвслээс сонгож, уншуулахад 11 секунд болж байгаа ажээ.
Тойрогт нэр дэвшигчийг сонгох саналын хуудас хамгийн ихдээ 78.7 см урттай байна. Нам эвсэлд санал өгөх хуудасны урт ихдээ 27.9 см байх юм байна.
