Монгол улсын Ардын зураач, Төрийн соёрхолт, Урлагийн гавъяат зутгэлтэн, зураач Ш.Чимэддорж, БНХАУ-ын алдарт уран барималч Shen Hongbiao нарын хамтарсан “PAX MONGOLICA” үзэсгэлэн Чингис хааны музейд 2023-10-07-ны өдөр нээлтээ хийлээ.
13–14 р зууныг Монголын эзэнт гүрний нөлөөгөөр Евроази-д оршин суугаа энгийн ард иргэдийн ахуй амьдралд дахь энх амгалан цаг үе гэж үздэг. Зүүн өмнөд азиас зүүн европ хүртэлх өргөн уудам газар нутагт тогтсон тус цаг үеийн нөлөөгөөр худалдаа наймаа, шашин шүтлэг, урлагийн хөгжил цэцэглэлт, түүхийн тэмдэглэл, соёлын томоохон солилцоо явагдсан цаг үеийг хүн төрөлхтний түүхийн тэмдэглэлд пакс монголика хэмээн нэршдэг.
Ардын зураач Ш.Чимэддорж гуайн хувьд Монголын уудам тал нутаг, ахуй соёлд нь өнөөдөр ч мөн Пакс Монголика -ийн утга агуулга хадгалагдан үлдсэн гэж үздэг учир энэхүү үзэсгэлэнг БНХАУ-ын Алдарт барималч Шэнь Хунбио–тай хамтран хүргэж байгаа ажээ.
Үзэсгэлэн ирэх сарын 07-ныг хүртэл үргэлжлэх бөгөөд тасалбар 10 мянган төгрөгийн үнэтэй.
