Засгийн газрын өнөөдрийн ээлжит хуралдаанаар Ерөнхий сайд Л.Оюун-Эрдэнэ нийтийн эзэмшлийн газар барилга байгууламжийн зөвшөөрөл олгосон албан хаагчдын жагсаалтыг гаргаж Засгийн газрын хуралдаанд танилцуулах үүргийг өгчээ.
Барилга хот байгуулалтын сайд Ц.Даваасүрэнд нэрсийг дараагийн Засгийн газрын хуралдаанд танилцуулах үүрэг өгчээ. Засгийн газрын авлигатай хийж буй тэмцэл газрын наймаа руу орж байгаа нь энэ аж.
Зөвшөөрөлгүй газар барилга, байгууламжийн зөвшөөрөл олгосон албан хаагчдын нэрсийг олон нийтэд зарлах юм байна.
Засгийн газар нүүрсний хулгайч нартай тэмцэж, албан тушаалтнуудын нэрийг ил болгосон. Тэгвэл энэ удаад газрын наймааг тойрсон авлигын сүлжээг ил болгохоор болсон байна.
