Их Британийн түүхэндээ анхны ази гаралтай ерөнхий сайдтай болох нь ээ. Их Британийн Сангийн яамны сайд асан Риши Сунак энэ сарын 24-ний өдөр эрх баригч Консерватив намын шинэ удирдагч болсон ба удахгүй Их Британийн хаан түүнийг ерөнхий сайдын албан тушаалыг нь батлах юм.
Журмын дагуу, Риши Сунак хаан Чарльз III-ын зөвшөөрлийг авсны дараа шинэ багаа бүрдүүлж, албан ёсоор Ерөнхий сайд болох юм байна.
Эрх баригч намын шинэ дарга Ерөнхий сайдын албан тушаалыг хашиж, дараачийн парламентын сонгууль хүртэл буюу 2024 оны арван хоёрдугаар сар хүртэл ажиллах юм.
Риши Сунак Оксфордын их сургуулийг төгссөн, 42 настай. Тэрээр 2015 онд парламентын доод танхимын гишүүнээр сонгогдож, 2020 онд Сангийн яамны сайдын үүрэг гүйцэтгэсэн бөгөөд энэ оны долдугаар сарын эхээр тэрээр энэ албан тушаалаасаа огцорч, дараа нь Консерватив намын удирдагчийн сонгуульд оролцсон ч Элизабет Трасст ялагдсан юм. Риши Сунак цар тахлын үед 18 сар хөл хорио тогтоох үед ажлын байрыг хадгалж, бизнесийг тогтвортой байлгаж чадсан "Eat Out to Help Out" нэртэй төсөл хэрэгжүүлсэн нь олон нийтэд маш их нэр хүндийг олсон юм.
Риши Сунак нь энэтхэг гаралтай бөгөөд тэрээр Их Британийн Ерөнхий сайд болсноор сүүлийн 100 гаруй жилийн хугацаан дахь Их Британийн хамгийн залуу ерөнхий сайд болох юм.
Түүний аав нь эмч, ээж нь эмийн санч бөгөөд тэрээр Оксфор болон Стэнфордын их сургуулийг тус, тус дүүргэсэн.
