Ийнхүү Монголын Радиологийн нийгэмлэгээс жил бүр уламжлал болгон зохион байгуулдаг Монголын Дүрс оношилгооны эмч нарын XXVII дахь үндэсний чуулган 2 өдөр зохион байгуулагдах гэж байна. Чуулганд Монгол Улсын Засгийн Газрын гишүүн, Эрүүл мэндийн сайд С.Энхболд, ЭМЯ-ны Төрийн нарийн бичгийн дарга, АУ-ны доктор дэд профессор Ц.Эрдэмбилэг, Монголын Радиологийн Нийгэмлэгийн Ерөнхийлөгч, МУ-ын Хүний гавьяат эмч, профессор Д.Гончигсүрэн, Монголын Радиологийн Үндэсний Чуулган-2022 хурлын Ерөнхийлөгч, АУ-ны доктор, дэд профессор, УХТЭ-ийн Ерөнхий захирал Б.Эрдэнэбулган, МУ-ын Ардын эмч, АУ-ны доктор, профессор Р.Асай, МУ-ын Хүний гавьяат эмч, АУ-ны доктор, профессор Ц.Бадамсэд, МУ-н Эрүүл мэндийн сайд асан, АУ-ны доктор,профессор С.Сонин, МУ-ын Хүний гавьяат эмч, клиникийн профессор Г.Одонтуяа нар болон дүрс оношилгооны эмч нар оролцлоо. 
Энэ үеэр Монголын Радиологийн Нийгэмлэгийн "Алтан медаль", "Хүндэт гишүүний өргөмжлөл", "Эрүүл мэндийн яамны шагнал" гардуулах ёслолын үйл ажиллагаа боллоо. Чуулганы хүндэтгэлийн лекцийг ЭМЯ-ны Төрийн нарийн бичгийн дарга Ц.Эрдэмбилэг "Эрүүл мэндийн салбарын бодлого, Эрх зүйн орчны шинэчлэл сэдвээр лекц уншлаа. Монголын дүрс оношилгооны эмч нарын XXVII дахь үндэсний чуулган 2022 оны 9 дүгээр сарын 15,16 өдрүүдэд зохион байгуулагдах юм.
