Их Британи улсын төрийн тэргүүн, хатан хаан II Элизабет 96 насандаа таалал төгссөнийг Букингэмийн ордноос Улаанбаатарын цагаар өнгөрсөн шөнө мэдээлсэн.
Энэ уй гашуутай холбоотойгоор тус улсад улс төрийн, урлаг соёлын болон спортын бүх үйл ажиллагааг 10 хоногийн турш хязгаарлах шийдвэрүүд яригдаж байна. Одоогоор морин уралдаан, крикет, бадминтон, теннис зэрэг спортын тэмцээн уралдаанууд цуцлагдсан талаар албан ёсны мэдэгдлүүд гарсан.
Харин Английн Премьер Лигийн эрх бүхий албан тушаалтнууд болон Английн Хөлбөмбөгийн Холбоо хуралдаж байгаа бөгөөд эцсийн шийдвэр хараахан гараагүй байгаа юм.
Тоглолтуудыг хойшлуулах шийдвэр гарсан тохиолдолд 9 сарын 9-19 хүртэлх Премьер Лигийн 20 тоглолт хойшлогдох нөхцөл байдал үүснэ. Гэсэн ч мэргэжилтнүүдийн мэдээлж байгаагаар "Катар 2022" ДАШТ эхлэхэд 100 хоног хүрэхгүй хугацаа үлдсэн энэ үед, эдгээр тоглолтуудыг шингээх хоног, хугацаа байхгүй гэнэ.
