"Хиннамну" XI далайн хар шуурга 2022.09.06-ны өдрийн үүрийн 04:50 минутанд БНСУ-ын "Гённам" мужийн "Гожэ" хотын ойролцоо бууж улмаар өглөөний 7 цаг 10 минутанд "Улсан" хотын өмнөх далайгаар буцжээ.
Цаг уурын мэдээний зарласнаас арай хурдтайгаар Зүүн тэнгист хүрчээ.
"Хиннамну" хар салхи нь өглөөний 6 цагийн үед Бусан хотынизүүн хойд хэсгийн 10км зайд 52км/ц хурдтай өнгөрч байжээ. Энэ үед салхины даралт 955hPa, салхилах дээд хурд 40м/сек(цагт 144㎞)-ын хүчтэй байжээ.
Хар салхи буусныхаа дараа ингэж хүчээ удаан хадгалах нь ховор үзэгдэл бөгөөд энэ удаагийн Хиннамну хар салхины даралт нь 1959 онд буусан "Сара" хар салхи , 2003 онд буусан "Мэми" хар салхитай төстэй аж.
Өглөөний 6 цагийн байдлаар 1 хүн нас барсан бөгөөд хар салхи дайрч өнгөрсөн газруудаар том жижиг хохирлууд бүртгэгдсээр байна.
"Хиннамну" хар салхи нь үд хавьцаа зүүн тэнгисийн дундах "Үллынду" арлын зүүн хойд хэсэгт 100км хавьцаа очоод үүний дараа японы "Саппора"-гийн баруун хойд зүгийн 400км орчимд хүрээд хүч нь буурах шинжтэй байна.
Хар салхи "Гожэ" "Пухан" хотыг дайраад өнгөрсөн байна. Үүрийн 05:00 цагийн байдлаар
Т.Энхтөгөлдөрбаясгалан
