Даваа гараг буюу арваннэгдүгээр сарын 15-ны өдрийн байдлаар Тяньжин боомтод хүлээгдэж байсан 4,800 чингэлгээс 2,805 нь Эрээн рүү ачигдсан гэж Зам, тээврийн хөгжлийн яамнаас мэдээллээ.
Энэ сард Тяньжин боомтоос нийт 32 галт тэрэг 1,828 импортын чингэлэг Замын-Үүд өртөөнд хүлээн авсан. Эдгээр чингэлгийг ачааны төрлөөр нь ангилбал эм, эмийн бүтээгдэхүүн 16, хүнсний ачаа 264, бусад ачаа 1,548 байна гэж ЗТХЯ-наас өмнө нь мэдээлсэн.
БНХАУ-ын Эрээн хотод коронавирусийн халдвар гарч авто замын боомт хаагдсан ч галт тэргээр яаралтай ачаа барааг авч байгаа билээ.
