Үндсэн хуулийн цэцийн Их суудлын өнөөдрийн хуралдаанаар "давхар дээл" буюу парламентын гишүүд Засгийн газарт сайдаар давхар ажиллаж буй асуудлыг хэлэлцэв. УИХ-ын гишүүн Н.Ганибал, Ш.Адьшаа нарын гаргасан гомдлын дагуу, Үндсэн хууль дахь "Дөрвөөс илүүгүй тооны УИХ-ын гишүүн сайдын албыг давхар хашна" гэх агуулгатай заалтыг Үндсэн хууль зөрчсөн эсэхийг хэлэлцлээ.
Цэцийн Их суудлыг хуралдаанаас 2019 онд Засгийн газрын гишүүдийг бүрдүүлэх талаар оруулсан нэмэлт, өөрчлөлт Үндсэн хууль зөрчсөн гэж үзжээ. Өөрөөр хэлбэл, Үндсэн хуулийн цэц давхар дээлийг хүлээн зөвшөөрөв. Ийм шийдвэр гарснаар УИХ-ын хэдэн ч гишүүн Засгийн газарт сайд болж болно гэсэн үг. Одообол 4-өөс илүүгүй УИХ-ын гишүүн давхар дээлтэй байж болох хязгаарлалт үйлчилж байв. Их суудлын хуралдааны шийдвэрийг өөрчлөх боломжгүй, хуулийн адил хүчин төгөлдөр үйлчилдэг.
