Монголын жүдо бөхийн тамирчид 1991 онд Японы Осакад болсон насанд хүрэгчдийн Азийн аварга шалгаруулах тэмцээнээс хойш тасралтгүй оролцож ирсэн түүхтэй. Хамгийн анхны Азийн аваргын алдрыг хүртсэн эрхэм бол гавьяат тамирчин Д.Нармандах 1996 онд Хо Ши-Минээс 60 кг-ын жинд алтан медаль хүртсэн. Түүний тивийн аваргын түрүү булган сүүлтэй байж 21 жилийн өмнө нь Улаанбаатарт, тэр дундаа Монгол бөхийн өргөөнд болсон Азийн аваргад гавьяат тамирчин Х.Эрдэнэт-Од Монголын эмэгтэй жүдочдоос анхны аваргаар тодорч нутаг нэгтнүүдээ баярлуулсан. “Цагаан өмсгөлтнүүд” тивээсээ нийт 24 алтан медалийг эх орондоо авчираад байгаа бөгөөд хөдөлмөрийн баатар Х.Цагаанбаатар, М.Уранцэцэг, гавьяат тамирчин Х.Эрдэнэт-Од, ОУХМ П.Лхамдэгд нар хошой аварга болж байв. Манайхан Азийн аваргаас нэг тэмцээнэс хос алттай ирдэг уламжлал бараг тогтоод байна. 2003, 2005, 2012, 2015, 2022 онд тус бүр хоёр алтан медаль хүртжээ. Түүнчлэн монгол жүдоч ОУХМ Галбадрахын Отгонцэцэг 2016 онд Ташкентэд Казахстан улсын өмнөөс оролцож 48 кг-д аваргалж байв.
Азийн аварга болсон Монголын жүдочид;
Доржпаламын Нармандах “Хо Ши-Мин-1996” - 60 кг Хишигбатын Эрдэнэт-Од “Улаанбаатар-2001” - 57 кг Хашбаатарын Цагаанбаатар “Чэжү-2003” - 60 кг Дамдинсүрэнгийн Нямхүү “Чэжү-2003” - 81 кг Хашбаатарын Цагаанбаатар “Ташкент-2005” - 66 кг Хишигбатын Эрдэнэт-Од “Ташкент-2005” - 57 кг Ганбатын Болдбаатар “Тайпей-2009” - 60 кг Пүрэвжаргалын Лхамдэгд “Абу-Даби-2011” - 78 кг Мөнхбатын Уранцэцэг “Ташкент-2012” - 48 кг Пүрэвжаргалын Лхамдэгд “Ташкент-2012” - 78 кг Даваадоржийн Төмөрхүлэг “Бангкок-2013” - 66 кг Цэдэвсүрэнгийн Мөнхзаяа “Кувейт-2015” - 63 кг Цэнд-Аюушийн Наранжаргал “Кувейт-2015” - 70 кг Довдонгийн Алтансүх “Ташкент-2016” - 66 кг Нямсүрэнгийн Дагвасүрэн “Ташкент-2016” - 81 кг Найдангийн Түвшинбаяр “Ташкент-2016” - 100 кг Доржсүрэнгийн Сумъяа “Ташкент-2016” - 57 кг Мөнхбатын Уранцэцэг “Хонгконг-2017” - 48 кг Цэнд-Очирын Цогтбаатар “Фужайрах-2019” - 73 кг Отгонбаатарын Ууганбаатар “Фужайрах-2019” - 81 кг Лхагвасүрэнгийн Отгонбаатар “Фужайрах-2019” - 100 кг Ёндонпэрэнлэйн Басхүү Нур-Султан-2022” - 66 кг Болдын Ганхайч “Нур-Султан-2022” - 63 кг
