Улаанбаатар хот дахь гаалийн газар баяр наадмын өдрүүдэд хэвийн ажиллаж, импортын 274 мэдүүлгээр 27.4 сая ам.долларын үнэ бүхий бараанд гаалийн бүрдүүлэлт хийж улсын төсөвт 10.9 тэрбум төгрөгийн татвар ногдуулан ажиллажээ. Энэ нь өнгөрсөн оны мөн үетэй харьцуулахад импортын бараа эргэлт 53.1 сая ам.доллароор, нийт татварын дүн 11.6 тэрбум төгрөгөөр тус тус нэмэгдсэн байна.
Өнөөдрийн байдлаар (2022.07.21) Улаанбаатар хот дахь гаалийн газрын 14 гаалийн хяналтын бүсэд нийт 2729 вагон, чингэлэгтэй ачаа байна. Мөн гаалийн бүрдүүлэлтийг хийж барааг эзэнд нь олгосон 1084 хоосон чингэлэг буцаагдахаар хүлээгдэж байна. Гаалийн байгууллага УБТЗ-тай хамтран импортын чингэлгийн ачилт, буулгалт, барааны гаалийн бүрдүүлэлт, бараа олгох ажлыг шуурхай зохион байгуулж байгаа бөгөөд ачааллыг бууруулах зорилгоор Улаанбаатар хот дахь гаалийн газрын бүх гаалийн хяналтын бүс өдөр бүр 8.30 – 20.00 цаг хүртэл уртасгасан цагаар ажиллаж байна.
Иргэн, аж ахуйн нэгж та бүхнийг нэн даруй гаалийн бүрдүүлэлт хийж ачаагаа авахыг уриалж байна.
