Японы мэргэжлийн сүмогийн долдугаар сарын тэмцээн Нагоя башёгийн оноолт буюу банзүкэ гарчээ. Ирэх сарын башёг Их аварга Тэрүнофүжи Г.Ган-Эрдэнэ магнайлан барилдана. Долдугаар сарын 10-наас 24-ний өдрүүдэд Токио хотын "Рёогокү Кокүгикан" ордонд болох Нагоя башёд монгол сүмочид зиндааны дээд хэсэгт хүч үзэх нь. Өөрөөр хэлбэл долдугаар сарын башё монголчуудынх болох магадлал өндөр.
Хоошорюү С.Бямбасүрэн гурав дахь башёдоо комүсүби цолтой барилдах гэж буй бол Кирибаяма Б.Лхагвасүрэн Нагоя башёд анх удаа маэгашира цолтнуудаа тэргүүлэн барилдахаар эрэмбэлэгджээ. Ичиножо А.Ичинноров маэгширагийн баруун жигүүрийн хоёрт, Тамаваши Б.Мөнх-Оргил маэгаширагийн зүүн жигүүрийн гуравт, Чиёошома Г.Мөнхсайхан маэгаширагийн баруун жигүүрийн 13-т тус тус эрэмбэлэгдсэн байна. Түүнчлэн жюүрёо зиндаанд Азүмарү С.Тодбилэг зүүн жигүүрийн хоёрт, Миторюү Б.Төрболд баруун жигүүрийн дөрөвдүгээрт, Ошома П.Дэлгэрбаяр зүүн жигүүрийн 13-т тус тус бичигджээ.
