Монголын хөлбөмбөгийн холбоо (МХБХ)-ны эмэгтэй шүүгчдээс анх удаа Олон улсын шүүгчийн зэрэгт хүрсэн Ө.Батцэцэг Азийн Хөлбөмбөгийн Холбооны Элит шүүгч болсон байна. МХБХ-ны шүүгчээр 2016 оноос ажилласан Завхан нутгийн уугуул Ө.Батцэцэг тивийн шүүгчдийн шалгалтад тэнцэж, Монгол Улсаас АХБХ-нд данстай тав дахь, Азийн элит зэрэглэлтэй анхны эмэгтэй шүүгч болжээ.
Тус холбооны шүүгчийн хэлтсээс шүүгчдэд бие бялдар, онолын өндөр шалгуур тавьж, үндэсний дээд лигт ажиллуулдаг. Улсынхаа хамгийн дээд зэрэглэлийн тэмцээнд өөрийгөө батлан харуулж, өндөр шалгуурыг давснаар Азийн эмэгтэй элит шүүгчдийн эгнээнд Монголоос Ө.Батцэцэг ийнхүү багтав. МХБХ-ноос АХБХ-ны Элит туслах шүүгч болсон Ө.Батцэцэгт удахгүй олон улсын тэмцээнд ажиллах урилга авчээ.
