БНАСАУ-ын удирдагч Ким Чен Уны эгч пүрэв гарагт өмнөд Солонгосын зүгээс гаргасан эвлэрэх саналд татгалзаж байгаагаа илэрхийллээ. Өмнөд Солонгосын атал хоёр талын хурцадмал байдлыг намжаахын тулд хойд зүгийн эсрэг суртал нэвтрүүлгийн нэвтрүүлэгт ашигладаг шугамын чанга яригчаа буулгасан билээ. Үүнээс хойш Хойд Солонгосын тал ч хилийн дагуух зарим чанга яригчаа салгаж байна гэх мэдээлэл гарсан. Гэвч Ким Ёо Жун үүнийг эрс няцааж Хойд Солонгосын зүгээс Өмнөд Солонгос руу чиглэсэн хилийн дагуух чанга яригчдын буулгахгүй, цаашид ч тийм зүйл болохгүй гэсэн хариу өглөө. Мөн “Бид БНСУ-тай харилцаагаа сайжруулах хүсэлгүй гэдгээ удаа дараалан тодорхой илэрхийлсэн. Энэ бол эцсийн байр суурь. Үүнийг Үндсэн хуульдаа ч тусгана” гэж байр сууриа илэрхийлэв.
Өмнөдийн арми өнгөрсөн долоо хоногт чанга яригчаа хил орчмын бүс нутгаас зайлуулж эхэлсэн боловч байдал дахин хурцадвал эргэн байршуулах эсэхээ мэдэгдээгүй байна.
