Томчуудын хүүхдүүдийн зодоон нийгэмд шугиан тариад буй. Тэдэн дунд "Эрэл"-ийн Б.Эрдэнэбатын хүүгийн нэр багтаж байгаа. Тэгвэл "Эрэл"-ийн Б.Эрдэнэбатын гэр бүлтэй холбоотой бас нэг хэрэг энэ цаг үед сөхөгдөж байгаа нь тэдний гэрт үйлчлэгчээр ажиллаж байсан филиппин бүсгүйн гэнэтийн үхлийн тухай юм. Энэ хэрэг 2011 онд болсон бөгөөд 34 настай Террил Атиенза гэх бүсгүй дөрөвхөн сар Монголд ажиллаад амиа алдсан байдаг. Энэ хэргийн талаар 2012 онд филиппиний сайтад гарсан https://www.bulatlat.com/2012/03/12/probe-mysterious-death-of-pinay-domestic-helper-in-mongolia-relatives-urge-govt/ мэдээллийг дор товчлон сийрүүллээ.
34 настай Террил Атиенза дөрвөн хүүхдээ илүү сайхан амьдралтай болгож чадна гэгж их найдаж Филиппинийг орхисон ч харамсалтай нь тийм байсангүй. Тэрээр 2010 оны 1-р сард Атиенза гадаадад ажиллахаар шийдсэн ба шүдний эмчийн туслахын цалин, цахилгаанчин нөхрийнх нь цалин гэр бүлийн хэрэгцээнд хүрэлцдэггүй байв. "All-Pro Consulting and Staffing Services"-ээр дамжуулан Атиенза өөрөө жуулчны виз авч эхлээд Сингапурт гэрийн туслахаар ажиллаж байжээ. Жил хагасын дараа Атиенза нөхөртөө гэртээ харимаар байна гэж хэлсэн боловч Сингапур дахь Режент Хөдөлмөр эрхлэлтийн агентлаг нь хоёр жилийн гэрээгээ дуусга гэж шаардаж түүнийг Монгол руу явуулсан байна. Дараа нь тэр нууцлаг нөхцөлд нас барсан ба Атиенза найз нөхөд, гэр бүлийнхэнтэйгээ захидал бичихдээ өөрийн ажил олгогчийг Даваахүүгийн Сэргэлэн/ Б Эрдэнэбатын эхнэр/ гэж бичсэн бөгөөд түүнийг Австри улсын Монгол дахь консул, Монгол Улсын Ерөнхий сайдын хүүхэд гэж бичжээ. Мөн ажил олгогч нь ихэвчлэн согтуу ирдэг, орой бүр гэртээ хэрүүл хийдэг байсан гэж бичсэн талаар гэрийнхэн нь тухайн үед мэдэгдэж байв. Ажил олгогч нь Атиензаг гар утас, зөөврийн компьютерийг ашиглахыг хориглосон учир утас, зөөврийн компьютерээ нууцаар ашигладг байсан талаар ч хэлж байв.
Монголд ажиллаад дөрвөн сар болоход Атиенза гэр бүлдээ ердөө 184.37 доллар илгээжээ. 2011 оны арваннэгдүгээр сарын 13-нд тэрээр том охин 16 настай Нирриел рүү утасдаж, сүүлийн гурван сарын хугацаанд ажил олгогч нь цалингаа өгөөгүй тул арванхоёрдугаар сар гэхэд гэртээ ирнэ гэж хэлсэн. Арав хоногийн дараа Нирриел Монголд ажиллаж байсан ээжийнхээ найз Карен Круз руу залгасан байна. Круз 11-р сарын 19-нд Атиензатай уулзах ёстой байсан тул ийн залгахад Атиенза ирээгүй, ажил олгогч нь бие нь тавгүй байгаа тул ирж чадахгүй гэж хэлсэн гэсэн учир битүүлэг мэдээ сонсчээ.
Гэвч арваннэгдүгээр сарын 21-нд Манила дахь Атиензагийн агентлаг түүний цогцос аль хэдийн моргт байгаа гэсэн имэйлийг түүний ажил олгогчоос хүлээн авчээ. Монголоос хийсэн задлан шинжилгээний анхан шатны дүгнэлтэд “ хүнд хэлбэрийн хордлогын улмаас нас барсан” гэсэн хариу гарсан байдаг. Атиензагийн цогцсыг 2011 оны арванхоёрдугаар сарын 9-нд эх оронд нь авчирсан. Монголоос задлан шинжилгээний дүгнэлт гарсан ч Филиппинд байгаа ар гэрийнхэн нь цогцсыг нь дахин задлан шинжилгээнд оруулсан ба хоёр дахь задлан шинжилгээгээр Тэдний хийсэн дүгнэлтээр “Зүрх судасны өвчин нь хөдөлж зүрхээр нь хатгаснаас амь алдсан байж болзошгүй” гэсэн хариу гарчээ. Гэхдээ бүсгүйн бие нь бүхэлдээ зодуулсан шинжтэй, шархадсан, түлэгдсэн байдал харагдсан, цогцосны дотроос жижиг даавууны өөдөс гарч ирсэн зэрэг сэжигтэй үйлдлүүд энэ хэрэгт байсан ар гэрийнхэн нь заргалдаад нэмэр болоогүй, хэвлэлээр хэсэг шуугиад энэ хэрэг дарагдсан юм.
