Тайландад суугаа Монгол Элчин сайдын эхнэр О.Л Бангкок хотын Хлонг Тоэй дүүрэгт байрлах нэгэн байшингийн 17 давхраас баасан гарагийн үүрээр унаж нас баржээ.
Оршин суугчдын хүчтэй чимээ гарлаа гэсэн мэдээллийн дагуу цагдаа нар тус байранд ирэхэд эмэгтэй барилгын дөрөвдүгээр давхарт унасан байдалтай байжээ. Эмнэлгийн яаралтай тусламжийнхан газар дээрээ нас барсан гэж дүгнэсэн ба ослын шалтгааныг цагдаа нар шалгаж байгаа ажээ.
Мөрдөн байцаагчдын дүгнэснээр хүч хэрэглэсэн, тэмцэлдсэн шинж тэмдэг илрээгүй ба цагдаа нар хамгаалалтын бичлэгийг хянаж, гэрчүүдээс мэдүүлэг авч байгаа ажээ. Урьдчилсан байдлаар сэтгэл санааны хямралаас үүдсэн байж болзошгүй гэж сэжиглэж байгаа юм байна. Тайландын тал Монголын Элчин сайдын яам болон Гадаад харилцааны яаманд ч холбогдох мэдээллийг өгчээ.
Нөхөр болох Элчин сайд А.Төмөр эхнэрээ анх дөрөвдүгээр давхараас олж эмнэлгийн тусламж дуудсан гэж Тайландын хэвлэлүүдэд бичжээ.
Эх сурвалж: Bangkongpost.com Thaiexaminer.com
