Нэр дэвшигчигдийн бүртгэл, сонгууль зохион байгуулалтын талаар СЕХ-ны амгын газрын дарга Д.Бат-Эрдэнэ мэдээлэл хийлээ.
Д.Бат-Эрдэнэ мэдээлэл:
Саналын хуудаасны загварыг баталсан талаар бид өмнө нь мэдээлэл өгсөн. Сонгогчдод хоёр төрлийн саналын хуудас энэ удаагийн сонгуулиар очно. Нэг саналын хуудаст тухайн тойрогт ногдох мандатын тоотой тэнцүү нэр дэвшигчийн өмнөх зуйван дугуйг дүүргэж будна. Нөгөө саналын хуудас дээр энэ сонгуульд оролцохоор нэр дэвшигчийн материал ирүүлсэн 19 нам, хоёр эвслийн нэр Улсын дээд шүүхэд бүртгүүлсэн дарааллаараа бичигдсэн байгаа. Түүнээс зөвхөн нэг нам, эвслийг сонгох ёстой. Энэ удаагийн сонгууль тогтолцоогоор явагдах онцлогтой сонгууул гэдэг утгаар СЕХ-ноос 21 аймаг, нийслэлийн 9 дүүрэг дээр байгуулагдсан сонгуулийн хороод маань сонгогчийн өдөрлөгүүдийг амралтын өдрүүдээр зохион байуулж байгаа. Мөн СЕХ-ноос Эрх чөлөөний талбай дээр мөн сонгогчдодд мэдээлэл өгөх санал авах байр нээгээд ажиллаж байна.
Сонгууль зохион байгуулахтай холбоотой дараагийн нэг ажил бол нэр дэвшигчдийн нэрсийг эцэслээд гарсны дараа, нөхөн болон дахин нэр дэвшүүлэх гэсэн процесс хоёр хоногийн хугацаанд явагддаг. Нэр дэвшигчид хуулийн хүрээнд маш олон шаардлага тавигддаг. Татварын өргүй байх, шшүүхийн шийдвэрээр тогтоогдсон бусдад төлөх ёстой зээл, барьцаа, батлан ддаалтын өр төлбөргүй байх, авилгалын болон алан тушаалын гэмт хэрэгт холбоогүй байх гээд. Эдгээр шаардлагыг хангаагүй байна гэж үзээд бүртгэхээс татгалзсан тогтоол гарвал зөвхөн тухайн нэр дэвшигч зөрчлөө арилгаад дахин нэр дэвших хүсэлт гаргах боломжтой байдаг. СЕХ-ноос зургадугаар сарын 10-ны өдөр нийт нэр дэвшигчдийг нийтэд мэдээлэх ажлыг зохион байгуулна гэж төлөвлөөд байна.
Бие даан нэр дэвшигчдийн тухайд нийтдээ 47 хүн СЕХ-нд баримтаа ирүүлээд байгаа. Одоо баримтыг нягтлан шалгах ажиллагааг явуулна. Өөрөөр хэлбэл 801 ба түүнээс дээш дэмжигч сонгогчийн гарын үсгийг шалгах ажиллагаа өнөөдрөөс эхлээд СЕХ дээр явж байна. Энэ удаагийн сонгууль дээр нэг онцлог нь төр өөрт байгаа мэдээллээ иргэдээс авахгүй байх, үйл ажиллагааг хөнгөвлөх чиглэлээр ажиллаж байгаа. Энэ хүрээнд 8 нэр дэвшигч цахимаар гарын үсэг зуруулах ажиллагааг зохион байгуулсан. Тойрог тус бүрээр нэр дэвшигчийн мэдээллийг хэлэхэд арай эрт байна. Учир нь тухайн нэр дэвшигчийг бүртгэх үү үгүй юу гэдэг асуудлыг шийдсэний дараа энэ бүхэн тодорхой болно.
АН-ын нэр дэвшүүлэлтийн асуудал дээр СЕХ эрх зүйн ач хологдол бүхий асуудал болсон уу үгүй у гэдгийг шууд тогтооход хязгаарлагдмал. Шүүх энэ ауудлыг тогтооно. Магадгүй цаашдаа АН-ын асуудал шүүхээр тогтоолгох хэмжээнд хүрч болзошгүй. Нэр дэвшүүлэх ажиллагаа хуулийн дагуу тавдугаар сарын 20 гэхэд дууссан байх ёстой. Энэ хугацаа дууссанаас хойш нэг дэвшүүлэх үйл ажиллагаа яваад байж болдог юм уу, эсвэл нэр дэвшигчээр зарлалаа гэж хэлчихээд түүнийгээ сольж болдог эсэх эргэлзээ төрүүлсэн олон асуудал байгаа. Хуульд тавдугаар сарын 14-20-ныг дуустал долоо хоногт тухайн нам хэдэн ч удаа хурлаа хийх боломжтой, энэ хугацаанаас хойш тогтоолдоо ямар нэгэн байдлаар өөрчлөлт оруулах боломж байдаггүй. Тэгэхээр тогтоолд өөрчлөлт орсон үгүйг маш тодорхой СЕХ-нд ирүүлэх, мөн олон нийтэд эргэлзээтэй асуудлаар АН-ын зүгээс мэдээлэл өгөөсэй гэж хүсч байна.
